fbpx Skip to content

電單車斜路打8字技巧

電單車斜路打8字技巧

考電單車牌嘅流程 (文章:從零開始!電單車考牌 流程全攻略 (超詳細,2023最新)) 相信大家都清楚架喇,「斜路8字」可謂路試唔可以睇小嘅部分,今次就同大家簡單講下啦。其實打8字唔係想象中咁難,雖然最快有人一兩堂就搞掂,不過普羅大眾學多幾堂都好正常嘅。想考試成功打到8字,技術要扎實之餘,心理質素都非常緊要。

ezgif 7 5537034daeab

「斜路8字」有咩用?

「斜路8字」訓練就係想各位電單車駕駛者喺狹窄嘅空間可以流暢咁調頭。「斜路8字」係電單車考試裡面嘅重點之一,打唔到8字就即刻唔合格。 (真心話:又咁講,考完試個個都唔會用「打8字」嚟做斜路調頭 )

打8字程序 首先你要從起步位置往前駛,然後o係1號位停低,完成斜路開車停車,8字先會正式開始。

ezgif 7 734b617ff504

1. 1號位預備,打右燈(打8字時長開右燈),擰頭查看交通情況,開車往2號位

2. 到2號位轉右彎,駕駛到3號位,轉右往1號位

3.到1號位左轉,到彎放少少Break,保持電單車有足夠動力

4. 到4號位,左轉,返回2號位 一般會打3-8個8字圈,然後等考官示意就可以停低喺5號位。恭喜你,呢個時候考官就會同你講行邊條路線,然後你就可以出街行路試喇。

基本技巧

1.車速控制 「定油門」係最常見嘅速度控制方法。將油門定住,適當嘅時候靠尾Brake拖慢架車。如果油門又唔定,Break又控制得唔好,架車就會Chok下Chok下,好容易落腳,尤其係考試特別緊張嘅時候。不過如果你學極都唔慣,「定油門」又唔係唯一嘅方法嚟嘅!

2.視線控制 識得控制視線,打8字就事半功倍。電單車有樣好得意嘅特性,當你視線望向某個點,架車就自然會跟住去嗰個點。每次轉完彎都要盡快搵返個目標望住,架車就唔會飄嚟飄去。

3.身體傾側 轉彎時,身體應該反方向傾側。電單車左轉,人就應該右傾,咁先抵銷到,唔會失去平衡,反之亦然。

4.夾住油缸 呢個技巧就只係適用棍波車嘅同學。用力夾緊油缸,避免雙腳「條條Fing」,大大增加慢車駕駛嘅穩定性。

ezgif.com gif maker 6
呢個同學一Take Pass呀!

最難係邊個位?

實際上都係因人而異,最常見嘅係下面轉返上黎嘅彎,架車動力不足,加上夾唔緊油缸,自然特別容易落腳。 速度控制都係另外一個難位,扭得快當然都可以打到,不過如果某個動作做得唔好想修正就未必夠時間喇,而且往往令考官覺得你「心急、唔安全」。而車速太慢的話,一轉彎就好容易失平衡跌腳,一樣係唔得。

ezgif 7 c9016d20074f

更多進階貼士

打8字做法五花八門,最緊要搵到適合自己嘅方法,甚至連「定油門」都唔一定係金科玉律。要成功打8字,除咗有合適嘅方法,就係不斷練習。將正確嘅動作做一百幾十次,等身體嘅肌肉習慣,記得每個轉向位置,咁就考試都萬無一失啦!更多進階技巧,請聯絡輝sir上堂實戰啦!

有任何疑問嗎?

無論是打算學車,或者在學車過程中有任何疑問,輝Sir都樂意解答你的問題!

只需要在以下連結留下簡單資料,我和我的團隊會儘快聯絡你,免費為你提供幫助!

年/月/日
Hidden
此欄位用作驗證填寫的資料是否正確,請勿修改。