Skip to content

聯絡輝Sir

profile fai
media 1

你好,我係電單車導師輝Sir!我曾經做過送貨、管理送餐電單車隊,而家已經教咗電單車多年,見盡路面百態。喺香港路面唔少「馬路炸彈」,全因為學車過程只著重考試同拎牌,但忽略真正駕駛需要嘅技能同判斷。

【學電單車,唔止係學考車。】

如果你只係以考試、考牌為目標,好大機會你合格都唔識揸;但係如果你以「學識揸電單車」為目標,你不但可以駕馭到考試,更可以保護自己同其他人嘅安全,真正享受電單車嘅樂趣。揸電單車,需要有穩定嘅技術駕馭機器,配合準確而靈活嘅路面判斷。我深信「知識」同「實戰訓練」缺一不可,有完整嘅知識根底,你先會明白點樣做每一個決定,從而喺實戰訓練入面反覆練習,變成良好嘅駕駛習慣。

【有系統學,你都可以做得到。】

其實考試可以好簡單,揸電單車可以好安全,馬路可以好舒適。經過多年嘅教學,我整理出一個清晰嘅教學系統,循序漸進幫新手學好駕駛。如果你希望徹底咁學好電單車,我好希望可以將經驗同知識分享俾你,見證你一步步成為一個有技術而且讓人放心嘅駕駛者!

查詢任何學電單車資訊或報名,
請用以下途徑聯絡我。教緊學生嘅時候聽唔到電話,請見諒,我會盡快覆返你,歡迎Whatsapp/Signal搵我!

辦公時間

星期一至日,9:30 a.m. 至11:30 p.m.

ezgif.com gif maker 1
ezgif.com gif maker 2
L1000388 edited scaled
ezgif.com gif maker 3

有任何疑問嗎?

無論是打算學車,或者在學車過程中有任何疑問,輝Sir都樂意解答你的問題!

只需要在以下連結留下簡單資料,我和我的團隊會儘快聯絡你,免費為你提供幫助!

此欄位用作驗證填寫的資料是否正確,請勿修改。