政府「持續進修基金」有成$25000！用政府錢可以考車牌，是不是吸引得有點不可思議呢？輝Sir 經常收到查詢，問有無得用 「持續進修基金」 (Continuing Education Fund, CEF) 學電單車（同埋私家車、貨Van）。今日就送個Q&A俾大家！

電單車用「持續進修基金」真係有著數？弊處你又知多少？

現時「持續進修基金」認可課程已經包括電單車、私家車、輕型貨車、中型貨車同大巴。而電單車要用CEF的話，就只可以在沙田/元朗/ 鴨脷洲先可以用到。既然有資助，咁每個人都用CEF學電單車就得啦。點解身邊嘅人都唔用，反而要自己俾錢學呢？邊有咁大隻蛤乸隨街跳吖～所以輝Sir就想講吓用「持續進修基金」學車的利弊。

考電單車牌的流程請參考：

「持續進修基金」是否完全由政府出錢？你$1都無需要出？

不是！政府只會資助部份。

政府會資助每人25,000元（成世人計），但並不是全額資助所有學費。政府會資助課程⾸$10,000費用的80%，及課程費用其餘$15,000的60%。以某駕駛學院的「電單車駕駛證書課程」為例，學費總額$12,000，學一次車，就會花費你資助額中的$9,600。

【 以下這句說話將會反覆出現】一日你未完成個課程同考試合格，一日你都要繼續在駕院學，直到合格！否則Claim不到錢！轉考其他車牌、轉學校、轉場、放棄等等，你就真金白銀無咗萬幾元，但又考唔到牌。

實際學費其實多少？有無額外費用？

當然有額外費用！

以某駕駛學院的「電單車駕駛證書課程」為例，學費總額$12,000，政府資助學費 $9,600，你要付款 $2,400。但有額外費用並不包括在課程，例如強制、路試的租車考試$1,460、#學習駕駛執照 $548 同 #駕駛考試表格 $510 （俗稱 #路票，即係俾運輸署的考試費用），總共$2,518。換言之，未計額外補鐘，夾埋都要自付款接近$5,000元，其實費用同自己搵師傅學無甚麼分別。如果你之前有用過CEF，政府資助更少，你要付的費用則更多。
就算未計補鐘、重考等等費用，總共你要先俾$14,518，最後只能claim返$9,600，實際要自己俾$4,918。

用CEF考車，要比正常考試流程考多兩個試，和報讀額外的理論課！

平時考電單車車，考筆試、強制試、行路線就搞掂；但係CEF的「駕駛證書課程」 要求學生完成運輸署路試後，要額外去上同職業司機相關的理論課同長途駕駛實習課。仲要考多2個試！

有多點考試路線以外地點實習本來是好事！不過學生需要考「畢業駕駛考試」 同 「畢業筆試」（兩個試取得65%合格後），才有資格去Claim持續進修基金。想拎返自己的錢，比起一般考車難度更高！「畢業駕駛考試」要考返長途公共路面實習三堂學過的野，同學要揸長途車，上下高速公路等等。

俾咁貴，其實包啲咩？又有幾多時間，可以真正坐上車練習，教你揸車考牌？

輝Sir同你拆解下先！以全香港某駕院「電單車駕駛證書課程」CEF 課程為例，堂數「總共」有32節課堂，好多繁雜的課堂名稱，其實好多都是理論課、隨車觀察等等，亦有3節係考牌後學習長途公路駕駛；當中只有26小時可以比你坐喺電單車上練習！仲有呢 26小時係已經涵蓋強制試和路試的所有練習時間！而且呢26小時並唔係全部有導師，有一半喺自己練習課堂！運輸署建議於考試前最少要接受三十小時以上的駕駛訓練。咁少練習時間夠不夠？那就非常視乎個別同學能力了。

想多加練習或者補鐘？那就自己「課金」吧，全無資助，導師堂就承惠$600/節 起、租車自練就$400/節 起。在駕駛學院私人場地練習，補鐘收費當然會計到足。

CEF課程詳細內容：原來有「額外」隱藏關卡？

課程分為三部份：
【隱藏關卡1】通過 #讀寫能力評估，確保你識睇識聽中文。

【第一部份：筆試】
有2節理論課，教 #道路使用者守則，準備同學去應考運輸署嘅 #甲部 #筆試。

【第二部份：強制試+路試】
筆試合格後，就準備考強制試。

強制試課程本身就有12小時，其中3小時係理論課，9小時有得揸車，練習駕駛。

強制試合格後，就要備戰路試。根據課程單張，路試課程每節55分鐘，包左：

• 2節 #輔助理論
• 4 節 #導師指導駕駛實習
• 2 節 #考線透視 及 #8字練習
• 5 節 #深進訓練
• 1 節 #模擬考試

睇落好似好多堂？幾多時間係自己揸？啲堂係做咩？
根據同學經驗：

• 4節路試導師堂，要一次過上晒，而且導師指導駕駛實習堂 係由1位導師帶住3-4位學生，行下路線，學下打8字。同學吸收到幾多？睇你做化啦！
• 考線透視 其實係坐私家車行考試路線。無得自己揸。有時間剩，就俾同學練習8字。8字斜台得一個，唔知練到幾多個。
• 深進訓練就係精簡版嘅導師堂

如果強制試，路試順利合格，可以Claim 持續進修基金未呀？仲未得呀！同學仲要上針對做職業司機嘅實務訓練！【隱藏關卡2】！

【第三部份：學做職業司機】
其實無打算揸車搵食，不過你要claim錢都要上。

• 1 節45分鐘理論
• 3 節共185分鐘 #長途公共路面實習

上完堂，你仲需要在「畢業駕駛考試」和「畢業筆試」合格（65%或以上），先至夠資格Claim 到錢。

出席率要幾多？出席太少無得claim！

駕駛實習課堂要出席夠70%，而整體出席率都要夠70%。達唔到標？無得Claim錢囉！

萬一路試肥佬，重考點計數？CEF包幾多？重考有限期嗎？

CEF完全不涵蓋重考的費用。考車個個都希望1 take pass，但世事並不盡如人意，絕對需要考慮到肥佬後的狀況。

同學可以報名重考，不過重考就無得申請CEF。CEF只包第一次考試。課程的學籍有效期為24個月。萬一同學喺運輸署駕駛考試肥佬，難以在24個月內完成課程，可以申請延長學籍來重考。延長當然要俾錢，批唔批都要由駕院決定。

重考路試當然要跟返駕院，轉場就等同放棄，無得Claim錢。

而且路試重考費用極度昂貴！＄5XXX得三節堂！重新報過課堂再學過又$9000幾！補鐘$600起！

【 以下這句說話將會反覆出現】一日你未完成個課程同考試合格，一日你都要繼續在駕院學，直到合格！否則Claim不到錢！轉考其他車牌、轉學校、轉場、放棄等等，你就真金白銀無咗萬幾元，但又考唔到牌。

上面講過，CEF課程要考埋「畢業駕駛考試」同「畢業筆試」。如果你肥咗「畢業駕駛考試」或者「畢業筆試」，都要重考。考試同補鐘收費唔知收幾多，資訊不透明。

想放棄？想轉學校？想轉考場？唔想考？

可能你唔想考或想轉場，申請退款，咁就要睇條款，是有機會得的，不過扣埋之前學費同$500手續費，而且所有學費都用正價計算，會貴好多。因此你預付的學費，應該都所剩無幾，詳情同樣難找資訊。

總結

以為有著數，但仲有好多隱藏收費；堂數看似好多，其實真正落手揸車，預備考牌的，又得返幾多呢？萬一肥佬，就好似「洗濕咗個頭」，焗住要繼續幫襯佢，否則血本無歸。大家報名之前就三思了！

一個幫到你的電單車導師如果你希望有一個專業的導師全程照顧你的學習，請立即留名：https://faisirmotorbike.com/online-enquiry/

現在成為我地學員（https://faisirmotorbike.com/latest-programs/membership-luxe/），輝Sir的團隊不僅成為你的貼身顧問，更會為你送上源源不絕的課堂和購物優惠！如果有任何學車疑問，或想了解更多有關的詳情，可以直接與我們團隊聯絡。

聯絡我們