Skip to content

盤點女仔學電單車三大心理關口

盤點女仔學電單車三大心理關口

輝Sir教車咁耐,見證唔少身形嬌小嘅女學生合格,仲要好多都係1 Take Pass添!身形嬌小嘅女仔學車總會有三大心理關口:「唔夠高、唔夠力、怕跌親」,等輝Sir同你逐點拆解!

心理關口一:唔夠高

ezgif 2 ee294582ff65

要知自己夠唔夠高,先要知電單車揸車姿勢。無論係強制試定路試, 考試規則列明你都只能夠左腳單腳落地,右腳唔可以落地。如果坐上車之後能夠左腳單腳掂地,其實你已經夠高。加上正確嘅停車姿勢係將車身向左傾側(防止落右腳),其實要單腳掂地並唔難,幾乎個個都做到。

如果真係覺得棍波車真係太高,為咗日後駕駛安全起見,輝Sir會建議你學車身座位高度比較低嘅自動波綿羊仔車。

心理關口二:唔夠力

雖然女仔天生普遍比男仔細力,但係講到學電單車,應該都係綽綽有餘嘅。

學電單車有兩個動作需要用多力,第一個係強制試嘅最後一個動作,落車然後將電單車推出試場。電單車始終係一大舊金屬機器,一定有一定重量。不過只要用上適當技巧,例如推車嘅時候控制車身傾側角度、利用自己身體重量抗衡車嘅重量,無論男女學生都要透過練習先可以穩陣咁推郁架車。

第二個動作係停車。上面都講過停車嘅正確姿勢,呢個姿勢你係需要用少少力令自己保持平衡,包括部分車身重量同部分自己嘅重量。如果你試過真係無力,唔夠力撐起架棍波車,你可以選擇學自動波綿羊仔。綿羊仔車身相對多塑膠部件,所以比較輕。

輝Sir唔單止見證過嬌小嘅女仔1 Take Pass,仲幫過70歲伯伯合格圓夢。連伯伯都夠力,你唔係怕呀嘛?

ezgif 2 bc62c05eed8f

心理關口三:怕跌親整損

首先,學車唔一定會跌,就算跌都唔一定會整親。雖然說話係咁講,不過如果各位女同學如果怕跌,可以自己準備私家護具(我估你唔會想同人共用掛),例如手套、護膝、護踭等等,就算跌都唔會整損自己 。如果你驚住驚住咁學,通常會揸得太慢、唔穩定,反而更加危險。所以一係唔學,係學就放膽去學!

輝Sir所有電單車都有左右護架,真係唔好彩跌車,亦有多一重保障,等你安心學車。

估估下?不如親身試真啲

憑空估自己夠唔夠高、夠唔夠力?歡迎你隨時聯絡輝Sir,約個時間親身嚟試清楚,揀o岩自動波定棍波,安安心心咁學,咁先享受到學電單車嘅樂趣嘛! 與其憑空想象,不如親身騎下感覺下啦!不妨撳入呢條 link留低contact https://faisirmotorbike.com/online-enquiry/ 輝sir或者輝Sir團隊會主動聯絡你,免費解答你嘅疑難呀

有任何疑問嗎?

無論是打算學車,或者在學車過程中有任何疑問,輝Sir都樂意解答你的問題!

只需要在以下連結留下簡單資料,我和我的團隊會儘快聯絡你,免費為你提供幫助!

此欄位用作驗證填寫的資料是否正確,請勿修改。