Skip to content

雨天揸電單車並唔可怕【裝備篇】

雨天揸電單車並唔可怕【裝備篇】

其實真正危險嘅唔係雨天揸車,而係你唔識雨天揸車!上次講完雨天揸電單車嘅技巧,今日就講埋裝備,從內到外全面保障自己!

ezgif 4 a2b0903aac46

【選擇雨褸】

  1. 衣領:要留意衣領夠唔夠高。拉鏈應該可以拉到包住哂條頸,而且仲會被普通風褸多一塊「翼」,用魔術貼遮住條拉鏈,避免入水。
  2. 車線位:買雨褸時有得摸下實物嘅話,就應該反轉佢,睇下下面嘅下車線位有無一層膠包住,無嘅話落雨時會入水。
  3. 拉鏈:要確保佢係防水拉鏈,面頭會多一條布料保護條拉鏈,但著嘅時候都要小心唔好俾佢翹起,避免入水。
  4. 口袋:倒插設計,口袋開口有布料保護。
  5. 袖口:應有魔術貼索緊兩邊手袖。

【選擇雨褲】

  1. 橡筋褲頭:雨褲係著喺自己本身條褲上面,所以再買鬆身啲,褲頭一定要夠彈性,亦要夠緊。
  2. 褲腳:褲要夠長,有魔術貼用來勒緊褲腳。 【其他裝備、配件】 最好著對防水、防滑嘅鞋,頭盔就搵返個有風鏡(Visor)嘅,唔少人更會喺玻璃噴上放霧氣嘅噴霧。 搞掂個人,最緊要搞埋架車,選用排水能力優厚嘅輪胎,經常保養輪胎,留意胎紋、有無龜裂等等;保養制動,慢慢熟悉雨天嘅制動變化。

無人可以永遠避開落雨,最好辦法就係先打好基本功,加上防衛駕駛術就更加安全。想學識全天候安全駕駛?馬上撳入呢條 link: https://faisirmotorbike.com/online-enquiry 輝sir會主動聯絡你,免費解答你學電單車疑難。

有任何疑問嗎?

無論是打算學車,或者在學車過程中有任何疑問,輝Sir都樂意解答你的問題!

只需要在以下連結留下簡單資料,我和我的團隊會儘快聯絡你,免費為你提供幫助!

此欄位用作驗證填寫的資料是否正確,請勿修改。