fbpx Skip to content

考電單車前必睇!路試10大迷思

考電單車前必睇!路試10大迷思

考車前特別多問題想問….呢次到輝Sir問你返你轉頭!如果你考路試前連呢幾點都答唔到,咁就替你擔心喇。試下唔睇答案,睇下識唔識先。唔准諗即刻答,因為考試都無時間俾你諗!

ezgif 4 ebed1f260995

1.紅燈係咪一定要停車?

唔好咁死板先得架!當然一般駕駛情況下,紅燈就梗係要停啦。不過如果有特殊情況,例如鳴笛響咹嘅救護車、消防車,你就應該喺安全情況下靠邊停,就算紅燈都要開車;又例如整路、有交通督導員,就應該遵從指示,唔好盲跟交通燈;更甚就係有危險當然要避,例如後面警匪追逐、汽車失控,或者最常發生嘅危險係,學神貨Van停得極貼,似乎會溜前溜後撞到你,咁就算紅燈都要即時離開!

2.考車慢慢揸最穩陣?

錯呀!前面道路暢通無阻的話,你就應該行到時速40-45km。行得慢太慢會造成擠塞,考官亦會因為未能因應情況調整車速而肥你。學員揸得過慢,一般都係因為覺得好似「安全啲」,有更多時間因應突發情況做出反應。其實通過足夠嘅訓練,揸車時望遠D,就算時速40km都係有足夠時間做反應嘅。

3.路口甩咗考牌官一定肥?

唔一定!睇情況而定,盡量就係考牌官過到你先過,不過就算甩咗都唔好慌,唔一定會因為咁肥你嘅。呢個時候就要做補救動作喇,你應該繼續慢慢往前駛,直到搵到合法又安全嘅地方停車,等埋考牌官。

4.邊啲位可以等考官?

不如答你邊度唔可以等考官先啦!黃格、路口前後、交通燈前後、行人過路處、停車場出入口、車站、部分禁區等等不能盡錄…喂禁區都有分幾類,咁邊啲禁區停得車先?

5.禁區牌分幾多類?考試可以停邊類?

禁區牌嘅桿分3種標準顏色,分別標示三種禁止停車時間。記得留意自己考試時間,考試係有機會喺綠色桿嘅禁區停車。

紅: 上午七時至午夜十二時

黃: 上午七時至下午七時

綠: 上午八時至十時及下午五時至七時

(另外有灰色:標示其它禁區時段)

6.巴士站可唔可以停車?

咁要視乎你停車嘅原因。如果係甩咗考牌官,要停車等佢,咁任何車站都係唔停得車嘅;如果係正常駕駛緊,前面紅燈,你剛剛好排隊停喺你行車線上嘅巴士站係無問題嘅,但如果你特登駛入額外開闢嘅巴士站就唔得。 例如呢個巴士站就唔應該停車喇:

7. 入錯空波點算好?

如果你行緊車,咁梗係趁未停車落腳就轉返適當嘅波段啦。如果已經停咗車但入咗空波,考試你唯有舉手知會考官,佢批准你就可以落右腳,轉返1波再次起步。切忌未問考官就自己落右腳轉波,咁就即肥喇!

8.電單車路試一定要轉一次三波?

呢個真係最大迷思之一!如果路面暢通無阻,你就要轉3波或以上,以時速40-45km行駛;如果成程考試都塞車,或者前面有學神以龜速行駛,咁你就唔好夾硬轉3波喇,否則使用波段不正確,仲有機會死火添。轉波與否,從來都要睇路面情況。

9. 黃燈過唔過得?

首先你應該及早望遠啲 ,盡早留意交通燈,唔好俾自己有機會衝燈。如果你行到交通燈前先轉黃燈,你應該用均速過埋黃燈。如果你有一定車速,極短時間內強行收慢,分分鐘跣胎跌車,情況危險。

10. 點樣先避免到停喺黃格?

如果睇完都唔識答得曬,連呢條你都唔肯定,似乎你手電單車仲未學滿師喎。唔識答唔一定係你問題,與其考試估估下,肥咗就浪費金錢同時間,你好應該補下鐘喇。輝Sir電單車課程自主收費,絕無幾十堂嘅Package,上幾多堂由你話事,立即了解更多啦!

有任何疑問嗎?

無論是打算學車,或者在學車過程中有任何疑問,輝Sir都樂意解答你的問題!

只需要在以下連結留下簡單資料,我和我的團隊會儘快聯絡你,免費為你提供幫助!

年/月/日
Hidden
此欄位用作驗證填寫的資料是否正確,請勿修改。