聯絡輝Sir

你好，我係電單車導師輝Sir！我曾經做過送貨、管理送餐電單車隊，而家已經教咗電單車多年，見盡路面百態。喺香港路面唔少「馬路炸彈」，全因為學車過程只著重考試同拎牌，但忽略真正駕駛需要嘅技能同判斷。

【學電單車，唔止係學考車。】

如果你只係以考試、考牌為目標，好大機會你合格都唔識揸；但係如果你以「學識揸電單車」為目標，你不但可以駕馭到考試，更可以保護自己同其他人嘅安全，真正享受電單車嘅樂趣。揸電單車，需要有穩定嘅技術駕馭機器，配合準確而靈活嘅路面判斷。我深信「知識」同「實戰訓練」缺一不可，有完整嘅知識根底，你先會明白點樣做每一個決定，從而喺實戰訓練入面反覆練習，變成良好嘅駕駛習慣。