電單車考牌制度有別於私家車和輕型貨車，其中最具特色就是必經的「強制試」了。關於強制試，一直以來資訊都非常混亂，加上2020年觀塘駕駛學院結業，便令資訊亂上加亂。今日就讓輝Sir和大家講解內裏的細節，從報名程序、課前準備、考試程序、試後程序一一了解清楚！ 重點係由零開始準備強制試時，先分清自己需要網上重溫、面授修正，定係考前針對慢速平衡、轉彎、起步停車同安全觀察補強。

（第一部分）強制試報名程序 & 上課前準備

Q: 要考電單車牌必須考強制試嗎 ?

A: 要考到電單車牌，仍然要順序通過筆試、強制試同路試；如果你之前已經考過合資格筆試，先可以按情況豁免筆試。報名前要一併分清筆試、強制試、學習駕駛執照同路試之間點樣銜接，因為呢幾步會直接影響排期、預算同之後可唔可以自由安排路試課程。

Q：甚麼是強制試？

電單車「強制試」簡介

咩係強制試？
強制試係新手學電單車出路面之前，必須完成嘅基本控車訓練＋考試。目的係確保學員具備基本駕駛能力同安全意識。

課程內容

• 全程喺指定駕駛學院內進行

• 包括：理論 + 實體駕駛練習

• 課程時數：3日 × 4小時（共12小時）

指定駕駛學院

• 沙田駕駛學院

• 元朗駕駛學院

• 鴨脷洲駕駛學院

• 新觀塘駕駛學院

流程（重點）

報名課程
→ 完成12小時訓練
→ 參加強制試
→ 合格
→ 獲發學習駕駛執照（L牌）
→ 出路面學車 + 準備路試

重點提示

• 強制試重點：基本控車 + 安全觀察

• 未完成強制試：唔可以出路面學車

• 排期、收費、課程細節：建議直接向學院查詢

Q: 如果我未考筆試，是否要先考筆試，然後才考強制試？

A: 是，你需要先通過筆試，然後才可以開始強制試課程。筆試必須要和電單車強制試一齊報，但是強制試則可以和路試分開報名，你有權自由選擇合適的路試課程。 注意：報名要去指定駕駛學院，而不是直接去運輸署申請。 報名前最好再問清楚「筆試 + 強制試」同之後路試是否被綑綁，因為呢個會影響預算、考期同之後可唔可以自由安排路試課程。 （筆試準備：筆試 Q&A）

Q: 電單車強制試（和筆試）怎樣報名？

A: 如果你不希望被綑綁報讀「筆試 & 強制試 & 路試」套餐式收費，就要親身去上述所講，四間駕駛學院報名，並在報名時註明報「淨強制試」(直至2026年7月費用大概係由$3410到$3460) 已經幫大家計算晒12小時課堂，強制租車考試，運輸署路票。

上網報名，或經分銷商（A1、MEG、鏗鏘等等）報名，都只能綑綁報讀「筆試 & 強制試 & 路試」套餐；報名時要問清楚可否報淨強制試、之後路試有無綑綁，以及所有費用包括啲咩。(所以大家真係要小心行事)

Q：如果我將來想駕駛機動三輪車（Motor Tricycle）， 我應該報考棍波定自動波？

A：無論棍波還是自動波牌，合格後都會附送機動三輪車牌照。輝Sir一律建議同學考棍波牌，讓自己在選擇車款、工作、旅行自駕遊、移民等等都多個選擇。 如仲未想清楚自己應該考棍波定自動波可以撳入呢條link睇一睇：https://faisirmotorbike.com/tips/comparison-auto-manual/
溫馨提示唔可以用機動三輪車去考試。

Q: 報讀強制課程後，何時才開始上課？

A: 你需要主動聯絡駕駛學院約堂，並在考試前完成3堂（共12小時）強制試課程。輝Sir建議你要預留多點時間盡早上完強制課程，原因有幾個： （1）你必須上完全部三堂強制試課程，才能額外補鐘練習。如果上完課過幾日就考試，你便沒有時間練習。 （2）如果遇上惡劣天氣，你便無法上堂或練習，雨季上堂的同學要特別留意。 （3）電單車有限，預約需時，不是你想約就一定有位。 （4）提早預約更可以選擇自己心儀的時間。選擇少車的時段練習，效果會更佳。 呢個「預留時間」提醒仍然重要；最新輪候時間可再向報名學院確認，但強制試課堂同考期仍要以報名學院通知為準。

Q：應該在強制試前多久完成強制試課程？

A： 有些學院要你先上完3日強制課程，才會為你排期考試，一般都是上完堂後一到兩個月；亦有部分學院會在你報名時，便會告知你考期，讓你自行選擇幾時上強制堂。 如果是後者，你最好在考強制試前兩至三個星期要上完三日強制堂，讓自己有緩衝時間，補堂補鐘才能得心應手，不過每人需要的時間都有不同。如果不合格，排期不僅會花費金錢，更需要長時間等待，最好當然是練好練熟，一次搞定強制試，將精力和時間留在路試。 預留緩衝係為咗消化動作、安排補鐘、處理天氣或改期風險，而唔係單純追最快考期。

Q：有甚麼裝備要準備？

輝Sir強烈建議你買個頭盔、買對手套。上強制試課程，可以借用公家頭盔和手套，然而因為衛生問題（細菌、氣味）和最重要的保護性，當然是買一個自己喜歡、舒適、安全的頭盔吧。早點買，強制試和路試也用得到，真的是早買早享受。
學院要求同學必須配戴護膝護踭，同樣可以借用學院的護具，但這個我認為可買可不買。
順帶一提，成為輝 Sir 電單車學員，去輝Sir店舖購買電單車用品有折扣喔！詳情請聯絡：61984059

（第二部分）強制試課程內容

Q: 強制試課程會學到什麼？

A: 強制課程目的係要學生有基本操控電單車嘅能力，包括：開車﹑停車﹑轉彎﹑加速同急停。上堂亦會教一些電單車基礎理論，全程有導師指導。 新手要理解，課程重點唔係只背考試流程，而係建立開車、停車、轉彎、平衡、緊急煞車同觀察動作嘅基本車感。

Q: 考電單車強制試的流程是怎樣呢？

A: 強制試要求考生完成四個主要考驗 ，分別是開車、停車、轉彎、緊急煞車。當然還有其他微小的動作和意識，例如查看交通情況、推車等等。 詳細的流程請看： 電單車強制試其實考乜？一次 讀懂考試內容+流程（2026年最新） 考官唔只睇你完成路線，亦會睇望鏡、擰頭、打燈、平衡、推車同按指示處理考場情況。(注意由開車前到熄匙前都唔可以落右腳)

Q：考強制試有甚麼要避免？

A：開車後，右腳不能落地，否則會被視作「失去平衡」；整個過程中碰撞到任何物件、雪糕筒，或者出界都會被視作不合格；無論是開車還是停車，都要做足「打燈﹑望鏡﹑擰頭」等等「查看交通情況」動作。 練習時唔好只求跑完整個流程；每一個動作都要慢慢拆開練，特別係起步前視線、轉彎時油門控制、停車前姿勢同手腳配合。

乍聽好像頗為繁複，其實都只是學電單車的基本操控。

Q: 輝 Sir 你會唔會教強制試補鐘？

A: 輝 Sir我哋除咗有強制精讀班，也有針對新手的網上課程，讓你無限次重溫，和教你練習的要訣，詳情不妨聯絡我（61984059）吧！

如果你剛剛開始學電單車，希望學多點操控秘訣、操控貼士精讀，又想重複溫習電單車新手知識，讓你學習更加得心應手，可以看看這個專為你而設的網上課程：
（現在成為輝Sir電單車學員，更可以用優惠價購買這個電單車網上課程再配合實體貼士班，詳情立即聯絡61984059）

（第三部分）考強制試後程序 & 其他疑問

Q: 考電單車我要唔要買學牌電單車學牌保險？

A: 學習電單車強制試的過程中，你無須額外購買任何保險。如果真的非常擔心，可以自行購買個人意外保險，但這個做法非常罕見。
完成強制試後，如果你日後打算租車完成路試，同樣無須購買「學牌電單車學牌保險」，導師或學院已經為你購買基本保障，即第三保。
完成強制試後，大家可以申請「學牌」，在未通過路試、未獲得正式駕駛執照前，你已經可以用「學神」身份買車。如果你以學神身份出車，你便需要購買「學牌保險」。

Q: 電單車強制試合格後，會「到期」嗎？有效期是多久？

A:如果已經合格強制，你必須在兩年內成功申請學習駕駛執照；一旦過期，你需要重新報讀電單車強制試課程。 有效期仍然要留意，唔好等到臨近到期先處理下一步申請或路試安排。

Q: 電單車強制試合格後，下一步有什麼程序 ?

A: 恭喜！電單車強制試合格之後，你可以申請學牌（學習駕駛執照），同時領取路試嘅考期（路試排期），可以掛個合規格的「學」字牌，在路面上駕駛電單車。 如果你經輝Sir報讀路試，強制試合格後就要通知我，我會協助你排期同出學牌，亦有代辦服務。 強制試合格唔等於已經完成考牌，之後路試排期、租車考試、補鐘同路面判斷，都會影響拎牌結果。

Q: 強制試重考點算？

A: 不要氣餒！強制試「話難唔難，話易唔易」，只要先理解竅門，再針對性地練習，誰都能夠考到強制試。 重考電單車強制試，並不需要重新上12小時強制試課程，你只需要買張路票、交租車考試費用，然後自己按需要補堂練習就可以。 如果你希望了解一些基本的強制試技巧，可以看看 👉 https://faisirmotorbike.com/shop/online-courses/beginner/ 如果要重考，重點係先分清失手原因：動作未熟、考試緊張、觀察動作漏咗，定係對車種控制未上手，再決定補練定重排。

Q：如果我報了棍波強制試課程（或者已經考過一次不合格），我可以轉自動波課程嗎？

A：可以！但是輝Sir依然鼓勵你完成棍波課程，明白原理和練習方法，其實棍波和自動波的容易程度相若。我為大家整理了一個電單車網上課程，裡面10堂影片和PDF筆記詳細講解了基本的操控，你還可以加入專屬Facebook私人群組，隨時和輝sir及其他同學討論問題，並且會明確教你怎樣練習，逐一擊破不同的動作。 如果已經報咗棍波但覺得吃力，先同導師確認係動作未熟，定係車種選擇真係唔適合，唔好只因為一次失手就即刻轉方向。

如果你打算學電單車，查詢時可以直接講低你而家係未考筆試、已報強制試、已有考期，定係重考；再補充想學棍波定自動波、可上堂日子同最擔心嘅動作。咁樣團隊可以更快判斷你需要新手課程、強制試準備、補鐘，定係銜接路試安排，而唔係只靠一句「想考牌」估你下一步。