哪款頭盔最適合學電單車新手？全盔 VS 開面 VS 揭面 大比較 （電單車新手裝備）
新手學車要買自己第一頂頭盔，相信都會好「頭痕」，又要考慮安全、又要靚、又要Fit身，最好當然價錢不太貴啦。 今日輝Sir先同你介紹幾種主流頭盔，然後同你詳細分析哪一款最適合學電單車的新手們。究竟哪款最適合新手呢？又要預幾多預算呢？ 如果你正準備電單車考牌，查詢時先講清楚目前階段、可上堂時間同最想解決嘅問題。
第一類：全盔/Full Face （又名大頭佛、全面頭盔）
Full Face提供最全面的保護，除了能夠保護頭部，一體化的設計也能包住下巴。通常而言都會連帶風鏡（Visor），也有不連風鏡的款式。
包得實可以提供額外保護，但就會特別熱，尤其是夏天或者撞正塞車，真的會熱到大汗淋灕，除頭盔時好像洗了頭一樣。部分全盔型號會有通風系統。行車時，風會透過孔洞進入頭盔，帶走熱力和濕氣，不過要有一定速度才有足夠的風，慢車塞車時可以毫不奏效。
全盔會比較隔音，有人喜歡它附帶的「靜音效果」，有人就覺得在馬路最好能夠接收到最多資訊，包括透過聲音去避開危險，這方面就見仁見智了。
第二類：3/4盔（開面盔）
顧名思義，即是3/4個Full Face頭盔，由於不會包住你前面和下巴，又叫開面頭盔。遮蓋的範圍比較少，保護不及全盔，但用落就涼快得多，而且左右方的視野都更加開闊，可以更容易觀察到附近交通。
這類頭盔特別多復古款式，很多Cafe Racer、Bobber愛好者都堅持用開面盔，這樣才能配搭出完整的復古造型。
要注意開面盔本身未必有風鏡，我會建議你按實際用途配返合適風鏡。風鏡有唔同大小、顏色可以揀，新手不宜選太深色嘅風鏡，亦要留意夜間同雨天視野。
第三類：揭面盔
揭面盔是上述兩種的中間：下巴位置可開可唔開，隨時變形，都算是近年嘅熱門之選。 使用上可以有近乎Full Face的保護；如果覺得熱，亦可拉高下巴的保護，變成3/4盔。
但因為揭得開，有機關就自然有多點空隙，行車嘅時候風聲會比較大。
第四類：半盔（西瓜皮）
其實仲有第四類，就是半盔，俗稱西瓜皮，偶爾能看見有些Hardcore的復古車手會選用。
這類頭盔沒有包及耳朵、亦無法保護後腦區域，並非合法的頭盔！除了危險之外，更會有機會被檢控。絕對不建議大家使用這種頭盔。
越貴越安全？頭盔的安全認證
喺香港駕駛或乘坐電單車，必須佩戴並扣緊認可防護頭盔。買頭盔時唔好只見到 DOT、ECE 或 Snell 字樣就當一定適合，應該核對頭盔標記、標準版本、尺寸同扣具，確認符合香港現行認可規格。 頭盔後面通常會見到 DOT、ECE、SNELL、JIS 呢啲認證標記，代表通過咗唔同地區嘅安全測試。簡單分：
- DOT（美國 FMVSS 218）：美國最基本標準，行之有年，但唔會測旋轉／斜向撞擊。
- ECE 22.06（歐洲，現行最新）：2024 年起嘅新標準，加咗旋轉／斜向撞擊測試，揭面盔仲要驗埋下巴，普遍被視為現時最全面（舊版 ECE 22.05 頭盔一樣合法，只係測試冇咁新）。
- SNELL（如 M2025）：自願性、要求最嚴，抗穿刺特別強，多見於高階／賽道頭盔。
- JIS（日本）：日本工業標準，日系頭盔常見。
輝Sir舖頭嘅頭盔全部有國際認證，size 同扣具啱唔啱嚟到試就知——唔識揀 WhatsApp 問輝Sir就得。 那麼為什麼有些頭盔特別貴？頭盔的價錢高低，主要是貴在低風阻、透氣通風系統、棉的質料、舒適度、重量及花紋等，並非越貴就越安全。
輝Sir推介新手：¾開面盔
我就會推介3/4開面盔，原因好簡單， 除了視線寬闊之外 ，新手揸得比較慢，加埋偶爾塞車，學習過程用這類頭盔會涼爽好多。
即使學車速度甚少去到50km/h，都唔應該只用車速判斷頭盔保護是否足夠。開面盔視野同通風較方便，但面部同下巴包覆較少；如果你想要「200%安全感」嗰種包覆感，可以考慮全盔。揀第一頂頭盔時，要一併考慮合身、扣具、認可規格、視野、重量同自己可接受嘅保護範圍。 買頭盔最緊要適合，無絕對的對或錯。
仲未決定揀邊款頭盔？
文字睇完未必容易想像全盔、開面盔同揭面盔實際有咩分別。輝Sir準備咗一條新手頭盔選擇影片，帶你更直接了解不同頭盔的特點，幫你揀到適合自己學車需要的款式。
新手頭盔要預幾錢？
其實不需要買太貴，一般而言$1000左右吧。雖然這個頭盔會陪你經過強制試、路試、第一次出街等等珍貴回憶，不過好多人合格之後都會另覓新歡，買個再更好的嘅頭盔獎勵自己。 其實頭盔的物料有壽命，由第一次用去到合格，一般也差不多夠鐘升級了。
🪖 輝Sir冷知識：
唔好將頭盔掛喺倒後鏡或車把！頭盔嘅保護靠入面嗰層發泡膠（EPS），佢係「撞一次就壓實、唔會彈返」嘅設計。長期掛喺倒後鏡、車把或者掛鈎，個點壓會慢慢整凹 EPS，凹咗嗰笪就係將來最弱嘅位。放平或者用有軟墊嘅頭盔袋最穩陣。（可參考 Shoei 官方保養指引：EPS 內襯唔可以整凹。）
買第一頂頭盔，多數都係啱啱學緊車。輝Sir 新手課程教你由零到 1 take pass，仲可以幫你揀啱頭盔同裝備——可以直接 WhatsApp我哋問 。
港島區電單車裝備便利店
如果你想了解更多，或者親身試試不同頭盔的感覺，歡迎你來輝sir的實體店選購！無論是Full Face還是開面，我哋有嚟自日本、台灣、歐美嘅品牌（Shark、Zeus、NHK、Astone 等等），全部有國際認證，仲有啱新手嘅套裝優惠；想試 size、揀啱第一頂頭盔，上嚟舖頭或者 WhatsApp 輝Sir 就得。
